更新时间:2010-03-10

一拍成名:想看门道，但更多的是热闹

　抱住睇教程既心态来追，不过睇落去后发现教学内容有限，但系八集睇完都仲系学到嘢既。
　之前睇Reality Show比较少，因为觉得都几无聊，无乜学到嘢。今次系有关摄影既，当然要睇下。本以为参赛选手应该都好专业下，至少比我专业啊，三人行有我师，点都可以学到嘢既。但一睇发现十个人都几业余下，至少系节目中既表现系咁。冠军连灯都唔识打，哩点上就已经差过我地好多人了。
　入面影啲相除咗表现出相机好高级、MODEL好专业，同埋有啲都几有想法，其它都真系麻麻地，可能系因为无后期处理挂，仲不如好多人影既相。
　节目中带出既教学内容都唔少既，唔系好似《百家讲坛》讲课咁，而系从一啲对话、动作中靠自己去发现既。如果除去Reality Show固有既勾心斗角、角色成长既套路部分，净返既作品赏析同拍摄经验都几值得睇既。
　所谓外行看热闹，初级摄影者或者普通人来睇应该会好睇啲，又有靓女有器材有讲解，但入面带出来既高级技术真系唔多，如果想来学下摄影技巧就可能会有啲失望，仲不如去睇下摄影书。
　网上只有明珠台既版本，翻译对摄影所知有限，有啲地方会译得似是而非，比较常见既系焦段，啲人讲35、85、100既时候，译者都唔知系讲镜头焦段，唔识镜头既观众亦会因此一头雾水。